وەختێ یارم ویستی زوڵفی خۆی بە ڕوودا شانە کا
از کتاب:
دیوانی عارف عورفی
اثر:
عارف عرفی (1896-1961)
1 دقیقه
637 مشاهده
وەختێ یارم ویستی زوڵفی خۆی بە ڕوودا شانە کا
وا ئەزانم شێخ لە من زووتر بەرەو مەیخانە کا
ڕابکێشێ خەنجەری موژگانی بەقەسدی کوشتنی من
شەرتە شەرتی پیاو هەتا ماوە لەڕوویا ڕانەکا
شەمعی ڕووی جانانە هەروەختێ لە مەجلیس هەڵکرا
بێ شکە عاشق بەدەوریا عەینی وەک پەروانە کا
فکری وا بوو، تێگەیشتم ئاخری غایەی چی بوو
بۆ ڕەقیبێ ڕوو لە ئێمە وەربگێڕێ خوا نەکا
ناز و عیشوە بۆ هەناسەی دەردەداران چا نییە
نەک خوا گیربێ بڵێن پێی بۆ خوا ئاوا نەکا
بگرێ پەندم عاشقێ گەر بیەوێ ڕسوا نەبێ
قەد وەفا و عەهد و سەفا لەو دولبەرە داوا نەکا
چاوەکانم، چاوی من لەو ڕۆژەوە چوون بۆ سەفەر
ساتێ نەمدیوە لە دووریت شین و واوەیلا نەکا
مەتڵەبی یار خاڵی لای لێوی کە دەرخا جار بە جار
عاشقی بێچارەیی ئاوارەیی وێرانە کا
ئێمە دەردی عاشقی و جەوری زەمانمان بردە سەر
دەس لە دەس چوو وای درێغا یار ئەگەر بڕوا نەکا