ئەگەر دولبەر بەدڵ ڕۆژێ وەفا کا
از کتاب:
دیوانی عارف عورفی
اثر:
عارف عرفی (1896-1961)
1 دقیقه
974 مشاهده
ئەگەر دولبەر بەدڵ ڕۆژێ وەفا کا
بە ڕووی ڕاستی ئیتر تەرکی جەفا کا
سەر و ماڵم فیدای خاڵێکی هیندووی
ئەگەر تەرکی جەفا بەهری خودا کا
خودا هەڵناگرێ ئەسبابی چی بوو
بەوێنەی پەرچەمی ڕۆژم سیا کا
وەکوو ئێمە ئەگەر ڕۆژێ ڕەقیبێ
بە دەس جەور و جەفاوە موبتەلا کا
بە سەرگەردی ئەبم ڕۆژێکی سەدجار
لەسەر ئێمە ئیتر تەرکی جەفا کا
لەسەر چی بوو، گونەهـ چی بوو دڵی من
دووچاری زەخمی شمشێری قەزا کا
وەکوو زانیومە دولبەر بێخەتایە
خەتای بەچچە بێ، نابێ خەتا کا
بەناز و عیشوە تەشریفی بفەرموێ
برینی دەردی دڵ ئەمجا دەوا کا
لە دونیادا هەتاکوو ماوە عورفیتخلص
لە خۆشییانا ئەبێ دائیم سەما کا