بوویین چۆلەخ و کەڤتین مەتبەخا میر
از کتاب:
دیوانی مەلای جزیری
اثر:
ملای جزیری (1570-1640)
1 دقیقه
350 مشاهده
بوویین چۆلەخ و کەڤتین مەتبەخا میر
قەوی زولمە ل مە مسکین و ژاران
ژ دوهنێ سونبولان و خوون و گۆشتی
فراخ شەو بوون ب مە سەیرێن بهاران
مە هەسکوو بوو قەلەم سونبول د وێ دە
سیاهین ئەم وەکوو کەڤلێن د ماران
ژ بهنا جلک و پەلکێ دوو بوە عوود
مە وێ زانی قەوی علمێ گراران
مە دەست و پێ مودام هەر ب برینن
ژ بەر زەربێن بڤر تەڤشێن تراران
وە ئەجلافین کو نائێت ژێ خەبەردان
ژ بهنا زنخییا پیست و عیاران
قەوی زەحمەت چییە تێدا کلاهی
سەلام و سەد سەلام ل رەمزێن کوفاران