وەرە جانم کو چ نازک وەرەسین
از کتاب:
دیوانی مەلای جزیری
اثر:
ملای جزیری (1570-1640)
2 دقیقه
706 مشاهده
وەرە جانم کو چ نازک وەرەسین
ژ گول و نەستەرەنان ئەم تە بەسین
تو شەهەنشاهی بەسی من ژ بوتان
نە موحب هەر نە کەس و خار و خەسین
ژ خوە خانم ڤەدی ناکی مە ب تیغ
تو نەباتی وە ل تەبعێ مەگەسین
«هر شبم نعره‌زنان تا به سحرفارسی
به سگ کوی تو رافارسی» هەمنەفەسین
بێ تو «باللهعربی» نەبوویین یەک نەفەسەک
مە تویی ڕووح و موجەررەد قەفەسین
جەزبە دل ڕادهەژینت ژ مە لەو
د شەبان نالە ژ ڕەنگێ جەرەسین
مە ژ زولفێن د سیەهـ ڕەشترە بەخت
سەحەرێ بێت پەری پێ نەحەسین
وەرە مەیخانەیێ شاهد پەرەسان
شەمعێ مەجلس تە نەبیتن چ کەسین
مە ژ ناری دییە نوورا تە د دل
لێ ژ عشقا تە هەر ئاتەش پەرەسین
عەینی عشقین و د دل ئاتەشێ توور
ژ سەنا بەرقێ جەمالێ قەبەسین
تە دڤێ داوی بڕی بت نهە دا
ببڕم سەر ب دو ئەنگوشت مەقەسین
گەر چ یەکسەر ل ڕەخێن فیل سفەت
ڕاست و چەپ بازی ل سەیرێ فەرەسین
ب مەیێ سافی بدین خرقەیێ زەرق
ب خەراباتێ موغان ئەر بڕەسین
ئەم قەدیم بادە دنووشین ژ تەهوور
لەو موقیم مەست و خومار و تەلەسین
مە شەڤان جام د کەف یارێ د بەر
هەی هەی و سوحبەت و میرێ عەسەسین
مە سەراپەردەیێ حوورانە مەقام
ژ سیەهـ زولفێ بوتان ئەر ڤەڕەسین
مە ژ کەف بادە دبر جامێ ب خەف
«بالحقيقتعربی» لەو د عشقێ پەرەسین
قەلبێ ئەعیان دکرت حوببێ ووجوود
عشق ئکسیرە و ئەم سیم و مەسین
مولهمێ غەیبێ وە ئملا دکرت
مەدەد و فەیز ژ «روح القدسعربی»ین
جەوهەرێ عالییە عونسور مە مەلاتخلص
«بالحقيقةعربی» نە ژ خوار ئوستوقوسین