ئەز نزانم سەبەبێ، یارێ چڕا دوور کرین
از کتاب:
دیوانی مەلای جزیری
اثر:
ملای جزیری (1570-1640)
1 دقیقه
407 مشاهده
ئەز نزانم سەبەبێ، یارێ چڕا دوور کرین
شاهێ شیرین دەهەنان ئەم ژ خوە مەهجوور کرین
شبهی گۆ بێ سەر و پا بوومە ل بەر زەرب و شەکان
لەو ب چەوگانێ جەفایا خوە ژ دل هوور کرین
دا مە سەد جامێ فراقێ ژ خوە غائب نەبوویین
ژ وسالێ قەدەحەک دا مە و مەخموور کرین
نوورێ چەشمێ مە کو عالەم مە ب چەشمێن تە ددی
ب جەمالا خوە تە وەک دیدەیێ بێ نوور کرین
نەفەسەک بێ تە مە ناچی نە دژین بێ تە دەمەک
ژ تە هات ئەمرێ هومایوون تە وە مەئموور کرین
مە دزانی کو تو دێ «عاقبة الأمرعربی» چ کی
لەبێ لەعلێ شەکرین ئاهـ کو مەغروور کرین!
زەررەیەک بووم د هەوایا تە د وێرانەیەکی
مسلی ڕۆژێ ب شوعاعا خوە تە مەشهوور کرین
ژ «أنا الحقعربی» ب لەبێن لەعل خەبەردار بوویین
ب کولابا سەرێ زولفا خوە تە مەنسوور کرین
مونسەرف ما دبوویین ئەم ب دوسەد جارری مەلێتخلص
لێ ب وێ کەسر و ئزافێ ڤ خوە مەجروور کرین