عیدە و دا عالەمێ بانگێ سەفایێ خاس و عام
از کتاب:
دیوانی مەلای جزیری
اثر:
ملای جزیری (1570-1640)
1 دقیقه
744 مشاهده
عیدە و دا عالەمێ بانگێ سەفایێ خاس و عام
ماهێ نەو ئەبروو نوماندن چوو ژ بەر عەور و غەمام
خوەش ب دۆر جامێ ئشارەت کر هلالێ ساقییان
ماهتابێن زوهرەسیما چاردەهـ سالی تەمام
نامە تەی کر رووزەیێ عیدێ ڤەکر فەسلا مەیێ
لێ ب زمزم تێن ب ئاوازێ نەی و فنجان و جام
شاهدێن گول ڕەنگ ساقی بەلکی نەسرینن بەشەر
ئێ د لبسێ ئەرغەوانی نێرگزێن عەرعەر خەرام
یا رەب ئەو ڕووحن موجەسسەم یان مسالێ ڕووحن ئەو
لەو ب سەر جامان دبەخشن نازکێن شیرین کەلام
ئەو چ عالی گەوهەرن هاتن لباسێ جسم و جان
عشوەیێن وان شوبهی ئکسیرێ د قەلبانن مەقام
وەک مەلێتخلص گاڤەک تنێ غائب ژ دیدارا تە بم
وەر ببم وێ ساعەتێ لێ بن ژ من دا سەد سەلام