ئیرۆ ژ ڕەمزا دێم دوڕێ، مننەت کو من مەسروورە دل
از کتاب:
دیوانی مەلای جزیری
اثر:
ملای جزیری (1570-1640)
2 دقیقه
890 مشاهده
ئیرۆ ژ ڕەمزا دێم دوڕێ، مننەت کو من مەسروورە دل
دلبەر ب فنجانا سوڕێ، مەی دا مە و مەخموورە دل
ڕەمزەک نهین ئاڤێهتە دل، مهری ژ باتن مێهتە دل
شەهزادەیێ سوڕ رێهتە دل، شەهکاسەیا فەرفوورە دل
هۆستایێ عشقێ دل هەڤۆت، سەر تا قەدەم هنگی دسۆت
ڕەمزا «أنا الحقعربی» هەر دگۆت، باوەر بکن مەنسوورە دل
دل لێ بدت نوورا مەیێ، وەقتێ سەواش و هەی هەیێ
فەهم ئەر بکی وەحیا نەیێ، ژێ دت خەبەر مەئموورە دل
نوورا ژ قودرەت لێ دو نوون، ژێڕا دنالن ئەرغەنوون
وەر ئایەتا عشقێ بخوون، خوەش نوسخەیەک مەستوورە دل
تەفسیرێ سررا ئایەتێ، عارف دڤێتن گوهـ دەتێ
ڕازا ڕمووزێن قودرەتێ، گەر دەین بکین مەعزوورە دل
دل کەعبەیە مەولایە لێ، نارێ کەلیم ئیسایە لێ
بانگێ «أنا اللهعربی» دایە لێ، هەم کەعبە و هەم توورە دل
سەد جۆ و سەد جۆبارە تێ، سەد گولشەن و گولزارە تێ
چەندان ژ عشقێ نارە تێ، سافی نەزەر دی کوورە دل
سوحبەت کو کامل بوو برێ، جارەک ب جایێ عەنبەرێ
قەلبێ مە باڤێ مەجمەرێ، خوەش عەنبەر و کافوورە دل
شۆخ و شەپالا لەب ژ قەند، ئەو نازکا وێ قەنج و ڕەند
وێ دل ژ دل دلدا و خوەند، ئیرۆ یەقین فەغفوورە دل
ئەر دل ژ تە مەسروور بتن، من ژ مەلێتخلص دەستوور بتن
دێ کت جەهان پوڕ نوور بتن، لێ دائمەن ڕەنجوورە دل