مەلای زانا
از کتاب:
سروەی بەربەیان
اثر:
قانع (1898-1965)
1 دقیقه
906 مشاهده
ئەم شەرعە کە بەرپایە، هەمووی کاری مەلایە
ئەم دینە کە وا ماوە، لە ڕەفتاری مەلایە
ئەم ڕەونەقی ئیمانە، کە وا ماوە لە نێو کورد
پاکی هونەر و کۆششی ئەفکاری مەلایە
ڕەحم و دڵی موئمین، کە ئەگەر مەیلی بە دینە
نەشئەی فەرەح ئەنگیزە، لە گوفتاری مەلایە
بۆ ناسینی ئیمانە مەلا عومری ئەکا سەرف
ئایاتی خوا فاشی لە ئەتهاری مەلایە
بڕوانە لە بۆ بەرزیی وەتەن «محەممەد»ی تەدریس
پڕ قیمەت و بێ باجە، لە بەر باری مەلایە