ahengî muẍan

le naw naqîdekanî edebyatî êranda, em ẍezeley lay xwarewe be yekêk da’enrê le şaẍezelekanî «ḧafizPerson» xoy û gişt edebyatî konî zimanî farsî. le barî sirincî waqî’îyewe wesfî kořêkî ahengî ayînî ekat le ateşgay zerdeştîyekanda bo xwardinewey şerabî «hûme», ke hûme le layekewe, şerabeke xoyetî û le layekî tirewe wek «baxos»y yonanîyekanî kon, xway mestî buwe le naw netewe aryayîyekanda. dwayî le serdemî mezdyesnayî «ayînî zerdeştî»da payey biçûk kirawetewe û danrawe be firîşte. bełam, le zimanî tesewufda, ke ewtirê û le gelêk şwên sirincîşda mawey guman nadozrêtewe bo ewe ke ḧafiz û hawcorekanî qiseyan pê kirduwe, em me’na waqî’î û řep û řewanane le jêr nîqabî řemz û îşaretî sofîyaneda fesał û dem û çawêkî tirman pîşan eden. be wêne, bew pêyey xawen řayekan ta êsta witûyane nyazî ḧafiz le «pîrî muẍan»: pîrî îrşadî puxt «kamîl», řaberî řêgay xwadozînewe buwe. le «seray muẍan»: nyazî kořî kobûnewey pyawçakanî xwa buwe. le «gebir»: şareza «’arîf» y xwanas. le «muẍ»: yek perist «ehlî tewḧîd». le «beçkemuẍ»: ew tecellîyate xirapaney ke bo řêbwar «salîk» der’ekewn. nyazî le «şerabî muẍan»: ew coşe buwe ke řûnakîy řastî exate diłî řêbwar «salîk». le «agirî zerdeşt»: mebestî xoşewîstîy xway tenya «’îşqî îlahî» buwe.