xet û xał
From the Book:
Şarî Diɫ
By:
Kamel Emami (1903-1989)
1 minutes
1022 views
xet û xał û zulf û birjoł le nizîkî çawî meste
hemû zar û ceste xeste, hemû şêt û dest beste
yekê dûr û yek nizîke, yekê nizim û yek biłinde
hemû kewtû, řewtû, sersam, wekû leşkirî şikeste
çi qebîleyêkî şoxin qułezengî xêłî leylî
ke be hoy ewînî mecnûn dexzên be destedeste
diłî řût û qûtî ’aşiq be humêdî řojî kułme
ke bizanê ’aşiqî řûy ewe řût û řojperiste
be dizî dexate esto serî zulfî ’aşiqî řûy
ke dezanê xoş merez bûm, çi cwanî kirde řiste
hemû ’aşiqanî zarî be qisêkî xoş deřeqsin
le demî eger bibîsin, çi giringe ew mebeste
emnîş diłim lewê bû be îşareyêkî çawî
hełîgirt û birdî, fermûy de «îmamîPen name» heste beste!