firîştey cwanî, şoxî perî řû
firîştey cwanî
From the Book:
Dîwanî ’Ewnî
By:
Awni (1914-1992)
1 minutes
1055 views
firîştey cwanî, şoxî perî řû
dad le diłdarî, way le destî to
nêçîrit kirdim be nîgay çawit
xistimte bendî perçemî xawit
xo řizgar bûnim yekcar meḧałe
geyştin be to xewn û xeyałe
to ke hemîşe be şadmanî
le piley berzî û şoxî û cwanî
dełêy perwerdey beheştî xwayî
le berz fiřîn laf û darayî
minîş kost kewtûy çałî xembarî
lew peřî řûtî û latî û hejarî
ay le diłdarî derdî girane
taybetî bo min ke bê dermane
asman û řêsman le min řûy dawe
geyştin be to xeyałî xawe!