dû tabloy jyan

çaweřwanîn!
hemû katekanî jînman
çaweřwanî řûdawêkîn
řûdawekan řû deden û
ême herwa çaweřwanîn!
le dayk bûn, řûdawêke
mirdin řûdawêkî dîke
jîn metirsî nêwan ew dû řûdaweye!
jyan, xacêkî girane
min, wek ’îsa
berew girdî yaxî bûnim
kêşî dekem!
yan gaşeberdî tawane
min wek sîzîf
le binarî mindałîyewe
heta lûtkey mergî debem!
herçend barim zor girane û
hezar sałe
em hewraze tûşe debiřim
bełam şadim
ke ser’encam
le culcutay ’îşqa demirim!