ئیرۆ وەرن لێزم وەرن (ا)
لە کتێبی:
دیوانا فەقیێ تەیران
بەرهەمی:
فەقێ تەیران (1590-1660)
3 خولەک
1975 بینین
ئیرۆ وەرن لێزم وەرن؛ جیران و خەلقێ هێشەتێ
هوون رایەکێ ل من بکن؛ ئیرۆ قەوی گریا مە تێ
ئیرۆ قەوی م تێ گری؛ سوسن ل مێرگان غەیری
من حەیفا لێڤێن شەکری؛ ئێدی ڤەناخون شەربەتێ
ئەو لێڤ و لەعلین و شەکەر؛ ل وان کێمبوون دڕ و خەبەر
سەد ئاهـ و کۆڤان و کەسەر؛ حەیف عەین و لام چوون ژ هجرەتێ
حەیف عەین و لام ژێک بوون جودا؛ حوزن و گری یارەب تەدا
ئەم رازینە ب ئەمرێ خودا؛ هەرچی ژ دەرگاهێ تەتێ
هەرچی دکت ئەو میر دکت؛ خێر و شەران تەقدیر دکت
داغا ل قەلبان پیر دکت؛ سۆتم ب نارێ فرقەتێ
سۆتم ب پێتێ و ئاگری؛ ڤێ فانیێ ئەم ژێک کری
حەتا خۆشن ب کۆڤان مری؛ رۆژ هاتە چەرخا عادەتێ
عادەتا چەرخا عەوانە؛ وێ گەلەک مەحبوب رەڤانە
جان د ناڤ ئاخێ نهانە؛ فەلەکێ بێ مروەتێ
ئەی فەلەکا بێ «اعتبارعەرەبی»؛ من ب تە نینن قەت تو چار
تە گەلەک مەحبوب ڤەشارن؛ پاشی ڤان خال و خەتێ
سەد حەیف بۆ جووتێ سۆرگولا؛ مارێ مقیم کەت سەر ملا
وان پڕ د باغی وەسلا؛ نەدا ئێدی «دنبعەرەبی» ئولفەتێ
دپاشی وان وەردێ د گەش؛ سەد حەیف ل رەیحانێ د رەش
کێم بوون ژ وان بێهنێ د خوەش؛ نیشان و خالێ جەبهەتێ
نیشان و خالێ غولغولی؛ سەد حەیف ل زلفێ گولگولی
هاتن کو ڤی دۆستی هلی؛ هێژ نا گرن ژڤێ عبرەتێ
دپاشی وان خال و نشانان؛ قەت نەما بێن کم ریحانان
ژ مەختوم و ئێشان و ژانان؛ تیرەک ژ تیرا فرقەتێ
ئەڤ فراق تیرەک ب زەربە؛ ئێ کو دی ئەڤ داغ و دەربە
«دیما قیدە» مەختوم کەربە؛ شەڤ و رۆژان خەو نەتێ
شەڤ و رۆژا خەو لێ نینە؛ دائما شین و گرینە
ئاگر و پێت و نهینە؛ ما ب سەرێ کەس ئەڤ نەتێ
تیرەک دژوارە فراقە؛ هەر کەسێ دی ئەڤ فراقە
مەختوم و داغ و عراقە؛ د قەید و بەند و محنەتێ
گومبەتا تاری ستارە؛ موقبەرێ دۆست لێ ڤەشارە
تە ل من حەرام کر بهارە؛ چیچەک و بێهن ژ دۆرێ تەتێ
قەت نەما بێهن کم چ وەردا؛ چیچەکێ بێهن خوەش ل عەردا
پاشی مەحبوب کو ب دەردا؛ چیمەنا ژ دۆرا نەتێ
دگەر ئەز بخو خو ناس ناکم؛ ئەز وێ ئو تێمو دەیناکم
کو باوەر ژ عاشقان ناکم؛ دسۆژم نار و فرقەتێ
ڤێ فرقەتێ چ د گەل مە کر؛ مەحبوب وێ گرت و بەرزەکر
ژەو پاش مکسی هیڤی نە کر؛ مەشیابوو دار الغُربَتعەرەبیێ
غوربەت چییە کۆڤانییە؛ دبەر شەمال و رۆهنییە
سوحبەت کری گەل حورییە؛ زاڤائو بووکێن ئاخرەتێ