هاوزوبانم، زوبانی لاڵی منە
لە کتێبی:
دیوانی شێخ نووری
بەرهەمی:
شێخ نووری شێخ ساڵح (1896-1958)
1 خولەک
767 بینین
هاوزوبانم، زوبانی لاڵی منە
بێ زوبانیی، زوبانی حاڵی منە
ئێستە پیری شەڕابی کۆنی خەیاڵ
خۆشەویستی شەوی ویساڵی منە
لە فەزای ئاسمانی ئەشعارا
فکری ورد، ڕۆژی بێ زەوالی منە
بیری ورد و مەعانیی تازە
لە سەمای شیعرما، هیلالی منە
ڕوو بە ڕووناکی تەفەکور ئەڕۆم
لەفزی ئەشعاری من، زیلالی منە
با حەرامیشی تێبگەن «نووریناسناوی ئەدەبی»
شیعرەکانم هەموو، حەڵاڵی منە