لاوی قەد لاو لاوی من گەر بێ بە ناز چاو هەڵبڕێ
لە کتێبی:
دیوانی کوردی
بەرهەمی:
کوردی (1809-1850)
1 خولەک
802 بینین
لاوی قەد لاو لاوی من گەر بێ بە ناز چاو هەڵبڕێ
وا دەزانم شێخ لە من زووتر لە ئیمان وەرگەڕێ
ڕۆژێ بێجام کرد و ساتێ چوومە لای شێخ بۆ سەماع
وەک کوزە کەمتیاری پێ بێ دەسبەجێ لایدام لەڕێ
واعیز ئەمڕۆکەش ئەوا هەڵواخوری کەوتۆتە یاد
نەک لە ڕێگەت لابدا گوێ مەگرە لێی با هەڵتڕێ
وا ڕەقیب دەستی بە فیشاڵ کردەوە وەک بای غەزەب
بۆیە وا ئەمشەو لە بەزمی یار چرای من ناگڕێ
خوێنی من بۆ شوێن ونی دەسڕێ بە پەنجەی قاتڵی
وەختە خۆی ئەنگوشت نما کا لێی گەڕێ با بیبڕێ
تیغ بە ملما دێنێ و بە درۆ دەڵێ نابڕێ قوبان
تیغی تۆ بوڕڕەندەیە هاوارە بەختم نابڕێ
پێم دەڵێ کوردیناسناوی ئەدەبی خۆ تۆ عاقڵ بووی بۆچ شێت بووگی؟
سیحری چاوی خۆت نەدیوە، حەقتە لۆمەم کەی لە ڕێ