گۆرانی لەسەر کێشی «ئەی وەتەن ئەی ام مشفق شاد و خەندان أول بوگون»
لە کتێبی:
دیوانی زێوەر
بەرهەمی:
زێوەر (1875-1948)
1 خولەک
683 بینین
وا وەتەن خەمڵیوە وەک گوڵ نەوبەهاری میللەتە
شادمانیی قەومی کوردە وەختی لوتف و ڕەحمەتە
زەڕڕەیەک خاکی وەتەن نادەم بە قەسری قەیسەری
جوملە ئەنهاری وەکوو کەوسەر هەوای وەک جەننەتە
میللەتی کورد موڵکی سەربەستیشی خستە دەستی خۆی
جان نیساری گەر نەکا هەر کەس، بەشی ئەو لەعنەتە