چراخ ویەردەن
لە کتێبی:
دیوانی ئەحمەد بەگی کۆماسی
بەرهەمی:
ئەحمەد بەگی کۆماسی (1795-1877)
1 خولەک
798 بینین
چراخ ویەردەن، چراخ ویەردەن
حەرفێوەم جە شەست زەبان ویەردەن
زەبانم لاڵ بۆ غەڵەتم کەردەن
گوویا جاش نە دڵ نازکت کەردەن
من حەرفم پەرێ نەسیحەت وانان
تۆ نەسێحەتت وە بێ جا زانان
خەجڵ مەندەنان جە واتەی بێ جام
جە بێ جای بێ حەد، هێجران سەرئەنجام
ئێسە من پەرێو عوزر تەقسیرات
شمشێر نە گەردەن، ئامام وەردەرگات
چوونکە من بێ جای بێ حەدم کەردەن
بفەرما جەلاد بدۆم نە گەردەن
تۆبە بۆ جە دەست مۆژەی ئەڵماسان
هەنێ نەواچوو بێ جای خاڵ خاسان
وەگەرنە حەیفەن ئەی بەرگوزیدە
مدیەی و بێ جای گەدای غەم دیدە