çirax wiyerden
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
1 minutes
850 views
çirax wiyerden, çirax wiyerden
ḧerfêwem ce şest zeban wiyerden
zebanim lał bo ẍełetim kerden
gûya caş ne dił nazkit kerden
min ḧerfim perê nesîḧet wanan
to nesêḧetit we bê ca zanan
xecił mendenan ce watey bê cam
ce bê cay bê ḧed, hêcran ser’encam
êse min perêw ’uzir teqsîrat
şimşêr ne gerden, amam werdergat
çûnke min bê cay bê ḧedim kerden
biferma celad bidom ne gerden
tobe bo ce dest mojey ełmasan
henê newaçû bê cay xał xasan
wegerne ḧeyfen ey berguzîde
midyey û bê cay geday ẍem dîde