erê azîzim newnemam no
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
1 minutes
661 views
erê azîzim newnemam no
ḧeramen î dehir dinya we bê to
bînayî dîdem û dîdey mestit
û taq ebroy wehem peywestit
we berzî qamet ney asay ney tûł
we sêlsêley pêç, ḧełqey zołf lûl
be şerit û wefay weser neberdet
be ’ehdû sewgend çenî min kerdet
yegişt sewgend bo bînayî dîdem
xeram newxêz, ey bergozîdem
wêran małekey, diłekey kos wekos
siften we’ayr dûrî dîdey dos
tałey min yekser asarş biryan
dîrek ser taq sitûnş řimyan
wêş û bê yage menden û matił
zarû perêşan medhûş û xecił
êse neweten qedîm feraren
umêdiş be lotif nîm nîgay yaren
řayê weyaney sifte koş bero
fikirê pey derman derdê noş kero
azîzim! qurban! bała tûł ney!
bawes bo cefat, řeḧmet bo, takey
eḧya derewe ḧeyatiş ce no
weqetrey ’ereq beyn dû lîmo
awpaşî kere ha, weş, yek nefes
ba we temamî nebo we qeqnes