çirax wiyerden

From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
 2 minutes  827 views
çirax wiyerden, çirax wiyerden
hêcranit yek car ce ḧed wiyerden
řûy wesiłit her bîm ey řuwepêm bî
cew bone her řu řuřu xudêm bî
îse ha fełek nîşan daden pêm
ax tirsyakey gîr awerde wêm
emcar kê taqet dûrî to daro
dek berq ẍezeb webextim baro
pejaret, şadîm ce bêx awerden
dûrît xeymey dił řîşeken kerden
fîraqit ferqim we tûtya kerd
cya’ît e’zam ce hem cya kerd
weswaset bew tewr nêş dan ne cergim
û mergit qesem razî wemergim
wêt bider ênsaf, xałokey xuşxo
merden xasteren yaxo dûrî to
merden yek saten erwaḧekey wêm
dûrît her satê sed mergen perêm
mer cestey xestey min ce fûlad bo
yend dûrît wîno hêmay her şad bo
dek reḧmet û qebir gişt sîne safan
xusûsen «ye’qûb» mîrzakey cafan
çerxê çep çenîm řas besten kełek»
« çiman sengim dan û mînay fełek
daym pey tomen, ha, ce behane
gahê êsfehan, gahê ce bane
nimedum firset satê û bê xem
gerd pałaket bimałûn weçem
ya şewê şîn kem weşew nałînit
ya řûyê řokem û zarî û şînit
ya nałem çenî nałet bixêzo
ya dîdem perêt esrîn biřêzo
ya şimey ce şerḧ dewrî dûbare
dax derd hêcir diłey sed pare
’êşwey kirêşmey ḧur cemîn guł
’erze û pabus pey teskîn dił
çep gerd nimazo satê feraẍet
ey xwa ya wesił ya merg ya taqet