سەنگەر

لە کتێبی:
ئاوێنە بچکۆلەکان
بەرهەمی:
شێرکۆ بێکەس (1940-2013)
 1 خولەک  489 بینین
هاوڕێکەم!
«تۆو»ێ گوێ ناگرێ لە کێڵگە
ئەگەر سینەی خۆی نەداتێ
کێڵگەش گوێ ناگرێ لە هەورێ
بۆی نەبارێ.
هەوریش گوێ ناگرێ لە «با»یەک
نەیگێڕێت و ڕاینەژەنێ
«با»یش گوێ ناگرێ لە دەربەندێ
گڤەگڤی نەورووژێنێ
دەربەندیش گوێ لە شاخ ناگرێ
ئەم لا و ئەو لای قایم نەگرێ!
هاوڕێکەم!
شاخیش بۆ گوێ لە تۆ بگرێ
گەر سەنگەری شەهیدێکیت پێ لێ نەدرێ!