ناپاک

لە کتێبی:
ئاوێنە بچکۆلەکان
بەرهەمی:
شێرکۆ بێکەس (1940-2013)
 1 خولەک  417 بینین
هاوینێ بوو، نیوەشەوێ
لە کەژێکدا دارەبەنێ
کە مانگ لەو دیو کەل ئاوا بوو
بە پێدزکێ
خۆی دزییەوە
خۆی تەنیا بوو
نەیهێشت لقێ
یان ڕێبوارێ
کەس بیبینێ
دارەبەنی چاو بەرەوژێر
پەنای بردە ماڵە تەورێ
تەور کردی بە پاسەوان
هەتا ئێشکی کۆشکی بگرێ
ڕۆژێ زستان
پیرە تەور زۆر سەرمای بوو
دارەبەنی لەت لەت کرد و
فڕێی دایە ناو ئاگردان.