جواب بۆ جەناب
لە کتێبی:
فرمێسک و هونەر
بەرهەمی:
گۆران (1904-1962)
1 خولەک
1662 بینین
ئەی «ژیان» پاش شکایەتی دووری؛
ماچ کە چاوی جەنابی شێخ نووریناوی تایبەت!
ماچ کە چاوی بە تاسەوە، کە جەناب
دەرسی ئەووەڵ گەیشتە خەتمی کیتاب!...
ڕستە شیعری ڕەواج و قیمەتدار،
باوکی تۆ بوو بنێری بۆ بازاڕ،
ڕاستە ئێستەش بە دۆسیە و دەفتەر
داخراوە لە مێشکی شەش دەر...
لاکین ئاخۆ چ شاعیرێکی تر،
شیعرە پیشەی بە دائیمی، سەرومڕ؟
باوکتە، تۆی، منم، ئەمە یا ئەو
هەوڵی: نانە بە ڕۆژ و شیعرە بە شەو
چارەنووسی بەشی ئەزەلمان، داد،
پیشەیە کە شیعروتن: بەرباد!
«مع ما فیهعەرەبی» تەبیعەتی شاعیر،
نە وەزیفە و زەروورەتی قاهیر،
نە بڕینی زمان و پەل بەستن
بولبولی مەنع ئەکا لە مەیلی وتن!