کلیل

ئەم کەشکۆڵە
سادە ئەدوێ، وەکوو ڕاستی
وەکوو هەژارانی وڵات
گوڵە شیعری نایلۆن نییە،
بێبۆن نییە
لووتبەرز نییە و
بەسەر کەسدا،
فیز لێ نادات،
وەکوو قسەی پڕ گرفت و،
وەک باڵقۆنی کۆشکەکانی،
چینی سەرووی بەدەسەڵات!
ئەم کەشکۆڵە:
ساکارە وەک گوڵی کێوی
وەک کچی خانووە قوڕەکان.
ڕوونە وەکوو چاوی قرژاڵ
جوانە وەکوو:
ڕیشە سپییەکەی مەولەویکەس
بێگەردیش وەک:
بەفری لووتکە و
دڵی منداڵ.
* * *
ئەم کەشکۆڵە
وەک هەگبەی پێشمەرگە وایە
نانەوردە و
تاک تاک گوللە و
لەتە ئاوێنەی شکاو و
نامە و نوقڵ و
ڕادیۆیەکی
خشەخشکەریشی تیایە!
* * *
ئەم کەشکۆڵە
وەکوو دڵی
پێشمەرگەکانی کۆمەڵە
شاخی ورەی بەرزی تیایە.
گێژەڵووکەی ڕقی پیرۆز
ئارامی مەنگ
خەونی شەهید
کۆچی بێدەنگ
گەڕانەوەی هەڵۆی تیایە!
* * *
ئەی پێشمەرگەکانی کۆمەڵە!
ئەم قەڵەمە
بۆیە باڵی لێ ڕواوە
ئاسمانی ئێوەی بەدی کرد
ئەم قەڵەمە
بۆیە دەنووک سوورە چونکە:
سەری کێشایە پەنجەرەی زامتانەوە.
بۆیە وا بەکوڵ ئەخوێنێ
لەبەر ئەوەی:
لەسەر مەچەکتان نیشتەوە و
چووە ناو گەرووتانەوە.
* * *
ئەی پێشمەرگەکانی کۆمەڵەی،
ناو ژووری چاو
ناو ژووری دڵ.
ئەم شاعیرە لاتەی خۆتان
هەر ئەم کەشکۆڵەی شک ئەبرد
گەر ڕازیی بن
بیکا بە توێشووی ڕێگەتان
بە دیاریتان
وەکوو نان و
وەک چەپکەگوڵ
ئەگەر ئەمیش بەختی سەوزی
مژدانە بێ
بچێتە ناو هەگبەکەتان
بچێتە لای گوللە و نوقڵ و
بەر تەماشای ئاوێنەتان
ئەگەر ئەمیشتان خۆش بوێ
لەتەکتاندا
بێت و بڕوا و
هەڵسێ و بنوێ.
چەکەکانتان بانگی بکەن
ماچی بکەن.
ئەوا منی شاعیری لات
هەموو ڕۆژێ باڵای شیعرم
بەرەو ژوورتر هەڵئەچێت و
ئەبم بە شای
هەژارانی هەموو وڵات. |شیکردنەوە"> تەرایانەدا، کە دڕیان بە شەوەزەنگی دوای هەرەس دابوو، نەک هەر گیانی تاقمێکی سیاسی، بەڵکوو گیانی هەموو کوردێکی شۆڕشگێڕیان لەگەڵدا بوو ئەو ناوانە ئەبوون بە ناوی عیشق و ئازادی و ئەوینی کوردستان. دەیان شەهیدی وەک شەهاب و ئەنوەر و جەعفەر و ئارام و جەمال و شەماڵ و عەلی عەسکەری و خالید و عەزۆ و ... هتد و بووبوونە ویردی سەر زمانی هەموو دڵدارانی شۆڕشی ڕزگاری، هەر لە سەرچاوەی ئەم عیشقەیشەوەیە کە گەلێ جۆگەی سووری ئەم کەشکۆڵە هەڵقوڵیون. ش. ب}{ttحسێبی ئەبجەد: |شیکردنەوە{xx|}