نە «شەم» جیام من
لە کتێبی:
دیوانی وەلی دێوانە
بەرهەمی:
وەلی دێوانە (1826-1881)
1 خولەک
1132 بینین
نە «شەم» جیام من، نە «شەمکەس» جیام من
«پەروانە»ی پەشێو نە «شەم» جیام من
مەجنوونکەس بەدبەخت چارە سیامەن
شەم داخ حەسرەت وە دڵ نیامەن
قەیس ئاسانە خێڵ شای شەم مەندەن
وێڵ دەربەدەر فام پەرکەندەمەن
تەن تەنیای بێکەس یانە بێدیمەن
گون نە گێج بەحر نائومیدیمەن
سیاتەر نە سەنگ هەوارانەمەن
عەبداڵ بەڕگێڵ دیارانەمەن
مەنزڵ نە ماوای توون تەوەسمەن
جەفا و بێسوود و ڕەنج وە عەبەسمەن
عازاو مەینەت سەد کۆ بارمەن
پەرێ دین دۆس ئینتیزارمەن
چەنی وەحشیان ڕۆ هامڕازەمەن
شەو نە شکەنجە گیرو گازەمەن
چەمەڕای ڕای دۆس لێڵاخ نشینمەن
بە ئەسر حەسرەت دیدە نمینەن
هەراسان نە قەوم بێزار جە زێدمەن
دەست نە «شەم» بڕیا دڵ نائومێدمەن
تا وە ڕۆی مەحشەر مات و مەحزوونمەن
سۆز سەودای عەشق «شەم» نە دەروونمەن