ne «şem» cyam min
Li pirtûka:
Dîwanî Welî Dêwane
Berhema:
Welî Dêwane (1826-1881)
1 Xulek
1135 Dîtin
ne «şem» cyam min, ne «şemKes» cyam min
«perwane»y peşêw ne «şem» cyam min
mecnûnKes bedbext çare syamen
şem dax ḧesret we dił nyamen
qeys asane xêł şay şem menden
wêł derbeder fam perkendemen
ten tenyay bêkes yane bêdîmen
gun ne gêc beḧir na’umîdîmen
syater ne seng hewaranemen
’ebdał beřgêł dyaranemen
menził ne maway tûn tewesmen
cefa û bêsûd û řenc we ’ebesmen
’azaw meynet sed ko barmen
perê dîn dos întîzarmen
çenî weḧşyan řo hamřazemen
şew ne şikence gîru gazemen
çemeřay řay dos lêłax nişînmen
be esir ḧesret dîde nimînen
herasan ne qewm bêzar ce zêdmen
dest ne «şem» biřya dił na’umêdmen
ta we řoy meḧşer mat û meḧzûnmen
soz sewday ’eşq «şem» ne derûnmen