نەدارون تانە
لە کتێبی:
دیوانی وەلی دێوانە
بەرهەمی:
وەلی دێوانە (1826-1881)
1 خولەک
874 بینین
نەداروون تانە، نەداروون تانە
نەداروون تاقەت تووانای تانە
وێنەی مەجنوونکەس وێڵ دەیری دێوانە
مەشم وە چۆڵ و تەرک مەکەم یانە
بەرگ تەن جە وەڵگ درەختان چۆڵ
پەی وێم مەوازوون مەگێروون نە کۆڵ
تەنیا یەک سەنگێ مەنیوون وە باڵین
تەک مەدۆم پێوە پەرێ شەو ناڵین
خاوم وە ڕاحەت گەشتم وە دڵواز
نە نەزان ڕەفێق، نە ڕەقیب هامڕاز
پەی وێم مەگێڵوون سەروەش نەکاوان
مەر مەلان مەردەن بێدیشان ماوان