گێژەڵووکەی پایزە یا خۆ تەپ و تۆزی دڵم
لە کتێبی:
دیوانی زاری
بەرهەمی:
زاری (1905-1982)
2 خولەک
504 بینین
گێژەڵووکەی پایزە یا خۆ تەپ و تۆزی دڵم
وا هەوا تاریکە ناناسم نیشانی مەنزڵم
بەم هەوا تاریکە لەم وێرانەدا سەرگەرمی چیم
وەی چ بێ فیکر و چ بێهۆش و چ گێژ و غافڵم
کاروان وا تێپەڕی ڕۆیشت و نازانم ئەمن
لەم گوزەرگادا خەریکی چیم و بۆچی ماتڵم
جەژنی کۆچی ڕۆژووە ئەو کەسانە وا بە قەدر
مانگی ڕۆژوویان ڕەوانە کرد بێ نەقسی زوڵم
جا بە ئەمنی ڕووسیا چی! جەژنی وا گەورە و بەڕێز
هەر بەزم، پڕ بێ لە بێعاری لەوێدا داخڵم
نەوبەهاری زیندەگی کۆچانی کارێکم نەکرد
حەسرەتا بۆ زیندەگانی بێ بەر و بێ حاسڵم
مەدرەسەی ئەقڵم نەدیوە وا لەڕێما سەد گرێ
ئاهـ بۆ ئامووزگارێ وا کە حەل کا موشکوڵم
کەسبی ئینسانی بە شاگردی ئەقڵ ئەکرێ ئەگەر
نەبمە شاگردی لە کوێ ئینسانم و کەی ئاقڵم
شوێنی زانایێ نەکەوتم فێری زانستێ ببم
ئەی خودایا ئەم نەزانیمە نەبێتە قاتڵم
عومرم ئاوا گەر بە غەفڵەت بگوزەرێ وا تێئەگەم
تا درێژتر بێ زیاتر جاهیل و ناکامڵم
خەستەگی بۆ کاری دنیایی، لەجەستەمدا نییە
چی لە ئەمری دینەدا، بێ تاقەت و بێ تامڵم
بەرگی تەقوا وا دڕا، پینە لە تاقەتدا نەما
گەر شەمی «لاتقنطواعەرەبی» شۆڵە نەخاتە سەر دڵم
«زاریاناسناوی ئەدەبی» ڕاست ئەوێ بێ ئاوری تۆبەی «نصوحعەرەبی»
لەم تەنوورە سەردەدا قەت پوخت ناوم، ناکوڵم