حەوتە مەتەڵم ژمارەی پیتی
لە کتێبی:
دیوانی گۆران
بەرهەمی:
گۆران (1904-1962)
1 خولەک
405 بینین
حەوتە مەتەڵم ژمارەی پیتی
مژینی مانگای خەڵقە نەریتی
پیتی سێ و پێنجی لەگەڵ شەشەمی
بۆتە هۆ لێمان داپچڕێ دەمی
حەوت و شەش و دوو لەگەڵ سێ بەڕیز
شتێک نین چووبی بەلایا هەرگیز!
زیاندارە وەک پێنج و شەش و حەوت
دەریالووشێکە بۆ چاڵاوی نەوت
گوێچکەی تاق کەوتووی وەک هیی کەر درێژ،
کلکی کوت و مت مارێکی ژارڕێژ
چییە ئەم دەعبا دڕندە و پیسە؟
پێنج بوایە پیتی ئەتوت ئیبلیسە!