تێکۆشین بۆ دەرمان
لە کتێبی:
باخچەی کوردستان
بەرهەمی:
قانع (1898-1965)
1 خولەک
428 بینین
چ خۆشە دەرد ئەگەر دەسدا لەلای یاران و دەرمانی
بیابان دوور نییە هەرگیز کە مەعلووماتە پایانی
لە مەزهەب عاشقا کفرە بپارێزی وجوود و ڕۆح
ئەبێ گیانت نیشانگا کەی لە وەختی تیرە بارانی
دە سۆفی شەربەتی مەرگیش حەرامت بێ چ جای نیعمەت
کە خۆی ناخاتە مەیدانی عشق بۆ ڕاحەتی گیانی
ئەگەرچی شێت و سەوداییم بە ئەم بێ عەقڵییەش زانیم
کە نابێ خۆم بپارێزم لە گیر و داری مەیدانی
کەوانی قەوسی ئەبرۆی بێ وە یا تیری موژەی چاوی
بەدینم عارە گەر چاوم بقونجێنم لە پەیکانی
ئەگەر عاشق خەمی کوشتن بخوا یا دەربەسی سەر بێ
وەکوو سۆفی خەجاڵەت بێ درۆیە عشقی جانانی
حەکیمێ خۆی بە دەردی دڵ بناڵێنێ وەکوو قانع
وەکوو ئەشعاری قانعناسناوی ئەدەبی بێ بەهایە فەنی دەرمانی