قانع کە ساعی غابات بووە
لە کتێبی:
باخچەی کوردستان
بەرهەمی:
قانع (1898-1965)
2 خولەک
543 بینین
برای خۆشەویست یارە دوورەکەم
مەرهەمی زامی شارەزوورشوێنەکەم
پاش عەرز و سڵام گوێ گرە لە حاڵم
لە ژیان خۆم و ماڵ و مناڵم
داوات کردبوو بۆ گوزەرانم
وا بۆت ئەنووسم چۆنە ژیانم
هاوڕێی من دنیای زۆر بە مەرامە
یا معاونە یا قائممەقامە
منیش خۆم کردوە بە ساعی غابات
لیسێ هەڵگرم کە کەس دار نەبات
تفەنگێ درێژ لە حسکەی کۆنە
وا بۆت ئەنووسم بزانی چۆنە
قایش تاڵێ بەن بادامە شکاو
دار داڕزیو لوولە هەڵ دراو
پاش ماشە پەڕۆ دەرزی چڵی دار
وەک مشار کەل کەل لەسەر تا بە خوار
پینەم کردەوە بە سرێش و پەڕۆ
گولەی دوو هەنگاو بڕۆ یا نەڕۆ
قەڕەوڵ لە قوڕ سیپە لە تۆڵاش
درێژی لوولە زیاتر لە نەی ئاش
ئەی نێم لە کۆڵم هەر وەک هەمانە
بەشان نایتوانم چوونکە گرانە
فیشەک لۆغ سەختیان قاپوڕ شاش و چەوت
دووهەنگاوم تا هەموویان داکەوت
کە ئەی نێم لە کۆڵ ئەچم بۆ سەر ڕێ
بۆ داگرتنی هاوماڵانی دێ
نزوولەی مناڵ بۆلەی پیرەژن
ئاخۆ خوای خەلقی چیبکا بە من
نانێ بەم جۆرە بکەوێتە دەس
گوێ بۆ ڕەی تێبێ تا ئاخر نەفەس
قانعناسناوی ئەدەبی تفەنگی شاعر وەهایە
تفەنگ حکوومەت بێنەرە کایە
ئیشی ڕەشاشت بۆ بکا لە دوور
بێنە تەماشای خەلقی شارەزوورشوێن