دڵی خاڵی
لە کتێبی:
گوڵاڵەی مەریوان
بەرهەمی:
قانع (1898-1965)
1 خولەک
834 بینین
دڵ کە خاڵی بێ لەخەم من ئەو دڵە وێران ئەکەم
کەللەیێ گەر تەم نەکا ئەو کەللە بەرد باران ئەکەم
ڕوو بەئەشکی خوێن نەنەخشێ سیمی سادەم بۆ چییە
جەرگ ئەگەر داخی نەبێ ئەو جەرگمە بوریان ئەکەم
ئەشکی چاوم ڕەنگ و ڕووی شۆریمەوە بردی تەواو
ڕووی سپیم فرمێسکە بۆیە من وەها گریان ئەکەم
قەت لە پیریمۆ مەزانە منەتە گەردن کەچم
بۆ تەشەککور ڕەمزی ئەبرۆت قامەتم گۆچان ئەکەم
خۆشە تەرکی چاک و بەد یاری لەگەڵ هیچ کەس نەکەی
تەرکی گوڵ بۆ تەرکی خاری سەر زەدەی دامان ئەکەم
قۆچی ئەمڕۆ بۆ سواری مەحشەرە و حیفزی وجوود
من لە دیوانی جەزادا ڕۆح و دڵ قوربان ئەکەم
زوڵفی ئەو نازداری خۆمە ڕێ نەدەن بێتە بەهەشت
شەرتە قانعناسناوی ئەدەبی تەرکی دووسەد کەوسەر و ڕیزوان ئەکەم