دەردی سەری
لە کتێبی:
گوڵاڵەی مەریوان
بەرهەمی:
قانع (1898-1965)
1 خولەک
676 بینین
سەرم دەردی سەری تووش بوو کە دوێ ڕوانییم بە دولبەردا
دڵم سەهوی گرانی کرد کەخۆی بەر شیپی خەنجەردا
بە عەقڵی خۆم قیاسی چاوی ئەو شۆخەم بە ئەختەر کرد
بە عیشوە چاوی بەرزۆ کرد هەزار جوێنی بە ئەختەر دا
مەلای بێ شور و بێ زەوقیش بە عەزمی پەندی بۆ من هات
کە یاری دی لە من بەدتر دڵی بەر نووکی نەشتەر دا
وتم بولبول بە دینی خۆت گوڵت پێ چاکە یا کوڵمی؟
بە بانگی ئاشکرا بولبول دووسەد تەعنەی لە شەسپەڕ دا
سوئالم کرد کە بۆچ چەرخی فەلەک وا شێت و شەیدایە؟
وتی من تیری برژانگم لە جەرگی بورجی ئەخزەردا
بە شمشێری برۆی جەرگی لەت و پەت کردم و فەرمووی
هەتا قەوسی برۆی من بێ چە ئێشت هەس لە مینبەردا؟
بە چاوی بێ غەرەز کاکە تەماشای شێعری قانعناسناوی ئەدەبی کە
هەمووی وەک لەعلە تێکەڵ بن لەگەڵ ملوێنکی گەوهەردا