سپاسی یەزدان
لە کتێبی:
چوارباخی پێنجوێن
بەرهەمی:
قانع (1898-1965)
1 خولەک
766 بینین
خوا بە خواییت زوانم لاڵە
لەباسی تۆدا چوونکوو مەحاڵە
تۆ بناسرێیت بە عەقڵی ئینسان
ئیتر باسی تۆ چۆن بکەم بەیان
هەر وەک شێعرەکەی خاجەی شیرازیکەس
شێخ موسلیحەلدین خوای لێ ڕازی
ئێمە ناتناسین حەقە ناسینت
حەقە پەیڕەوی ئایین و دینت
تەنیای بێ شەریک، جێی هاوارم تۆی
خارج لە باسی هێزی گوفتوگۆی
من ئیقرار ئەکەم بە خودایی تۆ
بە لامەکانی و بەتەنهایی تۆ
چەن خۆشە کە تۆیش بەو ڕەحمانییە
من قەبووڵ بکەی بەم نوقسانییە