تۆ کە دەرکەوتی
لە کتێبی:
چەپکێ گوڵ و خونچە
بەرهەمی:
عەلی عارف ئاغا (1910-1996)
1 خولەک
722 بینین
تۆ کە دەرکەوتی لەناو باغا گوڵی مینا چییە
یا لەچاو جوانی ئەتۆ شیرین چییە و لەیلا چییە
نرخی تۆ تەقدیر بە پارە و زێڕ و ئەڵماس ناکرێ
بۆ فریشتەی ئاسمانی سەروەتی دنیا چییە
تۆ کە شازادەی جوانانی هەموو ئەم عالەمەی
کەس نییە لافی هەبێ میر و بەگ و ئاغا چییە
گیانی ئێمە پێشکەشی تۆ بێ قبوڵی گەر ئەکەی
بۆ دیاری گیانی بێ نرخی منی ریسوا چییە