چاوەکانت بۆتە باعیس ئەشکی ڕوونی چاوەکەم
لە کتێبی:
دیوانی لوتفی
بەرهەمی:
لوتفی (1905-1989)
1 خولەک
549 بینین
چاوەکانت بۆتە باعیس ئەشکی ڕوونی چاوەکەم
تیغی ئەبرۆت باعیسە بۆ مەنعی خورد و خاوەکەم
غەمزەکانت هەروەک و تیرێ لە دڵ تەئسیری کرد
بۆتە مەنعی خواردن و خەو ژین و نان و ئاوەکەم
دڵ وەکوو ڕاوچی ئەویش وا بۆتە کارئاسکی خەتا
من خەتاکارم لە بۆیە بۆتە مانیع ڕاوەکەم
بێ خەبەر وەک وەحشی وا بووم ەر ئەسووڕام دەشت و دەر
هەر وەکوو تەیری لەناکاو تووشی دان و داوەکەم
پەیڕەوی قەیسی بێ چارە لازمە بۆ من ئیتر
هەر ڕەفێقی وەحشی دەشتی و دووری دایک و باوەکەم
سەد وەکوو لوقمان کەبێت و کووا ئەکا دەرمانی دڵ
دیدەنی ئەو کافیە بۆ زامی جەرگ و ناوەکەم
بەس تەمەع لوتفیناسناوی ئەدەبی بکە دونیایی دوون باقی نییە
غەم بخۆ بۆ مردنی خۆت کوانێ تۆیی چاوەکەم