یا ڕەسوولەڵڵا دەخیلەک ماڵی وێران بێ منم
لە کتێبی:
دیوانی لوتفی
بەرهەمی:
لوتفی (1905-1989)
1 خولەک
796 بینین
یا ڕەسوولەڵڵا دەخیلەک ماڵی وێران بێ منم
چاو بە ئەشک و دڵ بە ئاهـ و غەرقی عوسیان بێ منم
ڕووڕەشی دونیا و قیامەت توێشەی ڕاهم نییە
نائومێدی کردەوەی خۆم ڕەنج بە خەسران بێ منم
دەردەکەم دەردی گرانە زۆر لە مێژە تووش بووم
ئەو کەسەی دووچاری دەرد و دووری دەرمان بێ منم
بۆچ نەگریێم من بە دائیم شیوەنێ بەرپا نەکەم؟
دووکەڵی ئاهی دەروونم ڕوو لە ئاسمان بێ منم
سەد پەشیمانی و نەدامەت وا لەناو دڵ هەڵ ئەسێ
یا ڕەسوولەڵڵا دەخیلەک خاک بە دامان بێ منم
بارەکەم یەکجار گرانە کەس نییە دەس باری دا
دەستی ناو کەشتی بە دەر خە غەرقی تۆفان بێ منم
خۆتی چارەی دەردی لوتفیناسناوی ئەدەبی یا شَفيع المُذنِبينعەرەبی
بێ نەوا و بێ عیلاج و چاو بە گریان بێ منم