بابەتی١
فەسڵی سێهەم
لە کتێبی:
بارانی ڕەحمەت
بەرهەمی:
مەلا عەبدولکەریمی مودەڕیس (1901-2005)
2 خولەک
658 بینین
فەسڵی سێهەمین بۆ ڕوکنی سێهەم
باوەڕە بەمە کە خودای عالەم
بە سەفارەتی جیبریلی ئەمین
کتێبی ناردووە لەبۆ موڕسەلین
سەد و چوار کتێب خاڵی بە یەقین
لە شوبهە و ئیلقای جینن و شەیاتین
دە لەبۆ «ئادەم»، پەنجا لەبۆ «شيثعەرەبی»
سی هەناردووە بۆ سەری «ئیدریس»
دە بۆ «ئیبراهیم»، سەدە تەواوە
ئەم سەد کتێبە «صُحُفعەرەبی»یان ناوە
«تەورات» بۆ «مووسا»، «زەبوور» بۆ «داوود»
«ئینجیل» هاتووە بۆ «عیسا»ی مەسعوود
دڵت تێک نەچێ لەوە موڕسەلین
خۆیان زۆرترن لە کتێبی دین
چوون بە شەریکی زۆر لە موڕسەلین
تەبلیغیان کردووە کتێبێکی دین
ئەعلای هەموویان «قورئان»ی موبین
هات بۆ موحەممەد «ختم المرسلينعەرەبی»
لە بیعسەتەوە تا کاتی وەفات
بە بیست و سێ ساڵ لەسەر لزووم هات
جار جارێ ئەهات حەزرەتی جیبریل
بە ڕەنگی دیحیە بۆ وەحی و تەنزیل
جار جار نەی ئەدی و هەر دەنگی ئەهات
وەکوو دەنگی زەنگ لە ڕووی سەر بیسات
بەم نەوعە وەحیە زۆر مانوو ئەبوو
غەرقی ئارەقی بێن خۆشی ئەبوو
جارێ نیو ئایەت، جارێ یەک ئایەت
یا لەوە زیاتر لەسەر کیفایەت
پێنج یا دە ئایەت یا هەمووی سوورەت
بە وێنەی «كوثر، اخلاصعەرەبی» و «تبّتعەرەبی»
جا ئەگەر لەناو یارانا ئەبوو
بۆی ئەخۆندنەوە تەواو زوو بە زوو
یا لەماڵ بوایە زوو ئەهاتە دەر
یاران لەو وەحیە ئەبوون باخەبەر
مەعلوومی ئەکرد جێی ئایەتەکان
هەم جێگای سوورەت بە ڕوتبە و مەکان
کاتێ «بسم اللّە»ی بۆ نازڵ ئەبوو
ئەی زانی سوورەی پێشوو تەواو بوو
سوورەتێکی کە هاتووەتە مەیدان
لەبۆ تەبلیغی موکەللەفەکان
خۆلاسەی کەلام تەرتیبی قورئان
هەر بە حەزرەت بوو، بیزانە جوان
دەخڵی هیچکەسێ لەوانا نییە
هەمووی بە وەحیە و هەر تەوقیفییە
هیچ دەستیان نەبرد سددیق و عوسمان
لەبۆ تەرتیب و مەنهەجی قورئان
سددیق نووسییەوە ئایەت بە ئایەت
جەمیعی قورئان لەبەر ویقایەت
عوسمان خوێندنی قورئانی یەک خست
دەرگای جیاوازی قورئان خوێنی گرت