ڕۆح لە هێلانەی وجوودا مەیلی پەروازی هەیە

لە کتێبی:
دیوانی شاهۆ
بەرهەمی:
شاهۆ (1882-1971)
 1 خولەک  267 بینین
ڕۆح لە هێلانەی وجوودا مەیلی پەروازی هەیە
ئارەزووی تیری خەدەنگی نیم نیگای نازی هەیە
عاشقە چی بکا قەرار و سەبر و ئارامی نییە
خەستەیە دەردی گرانە حاڵی ناسازی هەیە
ناڵە ناڵی دەنگی «یا لەیلا»ی لە سینەم دێتە گوێ
وەرنە سەیری دڵ قەوانی شۆر و شەهنازی هەیە
ئاگری تیژی شەرارەی ئاهی عالەم سۆزی من
دووکەڵی تاریک و کرپە و شوعلەیی غازی هەیە
خاتیمەی هێنا بە ڕۆحم ناوکی موژگانی یار
تا بڵێن ئەو شۆخە تیری چاوی غەممازی هەیە
ئەلفی خەتتی ئیستوای باڵایی لەیلاکەی ئەمن
شۆخ و شەنگە ڕەنگ و شێوەی گوڵبونی نازی هەیە
نووکی نێشی زولفەقاری تیژی دوو ئەبرۆیی یار
سەد هەزاران عاشقی کوژراوی بێ نازی هەیە
چاوی مەخمووری هەمیشە بۆ شکاری مورغی دڵ
هەڵمەتی شاهێنی ڕاوی و چابوکی بازی هەیە
داوی زوڵفی خاوی دانا بۆ دڵانی عاشقان
شایقناسناوی ئەدەبییشی پێوە بوو ناڵینی بێ نازی هەیە