من کە تۆ یارم نەبی ئیتر ژیانم بۆ چییە

لە کتێبی:
دیوانی شاهۆ
بەرهەمی:
شاهۆ (1882-1971)
 1 خولەک  1404 بینین
من کە تۆ یارم نەبی ئیتر ژیانم بۆ چییە؟
چی لە شەوق و زەوقی دونیا کەم؟ جیهانم بۆ چییە؟
دیدەیەک تۆی پێ نەبینم، کوێر بێ یا ڕەببی ئەبەد!
ناوی غەیرێک گەر بەرێ، لاڵ بێ! زوبانم بۆ چییە؟
دڵ ئەگەر بۆ تۆ نەبێ یا ڕەب ئەبەردەقی نائاشکرا خەنجەر کەوێ
با لەت و کوت داکەوێ بۆ خۆی، دڵانم بۆ چییە؟
بێ جەماڵت گوڵ هەموو خاری موغەیلانن لەلام
بێ تۆ ئەی شۆخی زەمان! سەیری گوڵانم بۆ چییە؟
گەر بەهشتیشم بە تەنیا پێ بدەن ڕۆژی جەزا
نامەوێ تۆی تیا نەبێ، حاشا! جینانم بۆ چییە؟
دین و دونیای تۆیە شاهۆناسناوی ئەدەبی! حۆر و غیلمانی ئەتۆی
جا کە وەختێ تۆم نەبێ هەر دوو جیهانم بۆ چییە؟