پەنام هێنایە بەر قاپیت بە ناڵە و شیوەن و زاری
لە کتێبی:
دیوانی شاهۆ
بەرهەمی:
شاهۆ (1882-1971)
1 خولەک
1397 بینین
پەنام هێنایە بەر قاپیت بە ناڵە و شیوەن و زاری
هەزاران دەفعە یا ڕەببی بە هیوای ڕەحم و ڕزگاری
ئەگەرچی شەرمەسارم ڕوو ڕەشی دیوانی تۆم ئەمما
بەرامبەر عەفوی تۆ وەزنی چییە باری گونەهباری
بە ڕەحمی واسیعی عامت بەزەییت گەر نەیێ پێما
پەنا بۆ کێ بەرم بۆ دەردی خۆم کێ بێ بکا چاری؟
پەنا خۆتی خودا! خۆتی هەموو کارێ بەدەست خۆتە
ئەگەر من موزنیبم خۆ تۆ خوداوەندێکی غەففاری