ئاگری بەر دایە عومرم جیلوە و جەولانی تۆ
لە کتێبی:
دیوانی شاهۆ
بەرهەمی:
شاهۆ (1882-1971)
2 خولەک
1304 بینین
ئاگری بەر دایە عومرم جیلوە و جەولانی تۆ
هۆشی لێ سەندم خرنگەی پڵپڵەی فستانی تۆ
پەستی کردم نیو نیگای نازت بە ئەدنا عیشوەیەک
سوستی کردم بەرق و باقی غونچەیی خەندانی تۆ
قیمە بوو جەرگم بە نێشی جووتە شومشێری برۆت
دامیە بەر شەستیری غەمزە ناوکی موژگانی تۆ
دین و ئیمانت لە دەس سەندم بە زۆری نازی چاو
في الحقيقةعەرەبی ڕەهزەن و تاڵانکەری ئیمانی تۆ
قیمەتی ئەڵماس و دوڕ و لەعلی ڕۆمانی نەهێشت
لوئلوئی دوندان و لێوی قورمزی مەرجانی تۆ
تەن شل و مل وەک پەڕەی گوڵباخ و گەردن وەک بلوور
قاقم و لیمۆیە سینە و قوببەیی بوستانی تۆ
هەر چی فیکری لێ دەکەم وێنەی لە دونیادا نەما
قامەت و ساق و سورینی گومبەدی لەرزانی تۆ
ئادەمی، جیننی، پەریزادی وەیا نەوعی مەلەک
یا لە حۆرانی بەهەشتی و ڕەوزەیی ڕیزوانی تۆ
تۆ گوڵێکی سەد هەزاران بوڵبوڵت دڵبەستە بوون
پاکی پێ بەندن بە داوی گێسویی پەخشانی تۆ
قەوسی دوو ئەبرۆت هیلالی جەژنی قوربانن کە وا
عالەمێک وەک قۆچی قوربان بوونەتە قوربانی تۆ
قامەتت تەمسیلی ڕۆژی مەحشەری عالەم ئەکا
بۆیە وا ئەم مەخلۆقە سەف سەف دێنە بەر دیوانی تۆ
لاڵ و پاڵ عاشق وەکوو مردوو لە ڕێتا کەوتوون
تینوون بۆ شەربەتێکی چەشمەیی حەیوانی تۆ
مروەتت بێ! خوویی بێ ڕەحمی لە سەرتا لابەرە!
با بە داخی تۆوە نەمرن جەمعی بیمارانی تۆ
دوڕڕی ناسوفتەی بەنرخم شاهی خووبانی زەمان
حاکمی ئەقلیمی قەڵب و قاڵبی ئینسانی تۆ
وا لە بۆتەی عەشقدا تاوایەوە دڵ بوو بە ئاو
ئەلویدای ئاخریە زاهیر شایقناسناوی ئەدەبیی بوریانی تۆ