هەوای وەیشوومەی مەیلەکەی دڵدار -٢
لە کتێبی:
دیوانی سابیری
بەرهەمی:
سابیری (1881-1944)
1 خولەک
552 بینین
هەوای وەیشوومەی مەیلەکەی دڵدار
مەزرەعەی شادیم فەوتان وە یەکجار
خسووسەن وەفا و جەور ڕووزگار
گرەو بەردەوە جە بێ مەیلی یار
دڵ چ قەید غەم ئازاد نمەبۆ
ذەروازەی شادی گوشاد نمەبۆ
تا ئوردوی شادی وەسڵەکەی ئازیز
ماوای سوپای غەم نەکەرۆ ناچیز
با دڵ وە حەربەی موژگان دڵدار
ناوەروو زامی چەم نەبوو خوونبار
سا بەختە ئاوێ بدو وە چەمدا
با تابوور غەم بدو وە هەمدا
ئەی بەخت و زەمان، ئەی جەور و ستەم
مەینەت و جەفا، غەم وەبان غەم
یا ڕەب وە حاجەت ڕەسوول ئەکرەم
یاران وێنەی من نەوینان وە چەم
پەشێوم وێنەی قەیس عامیری
ناوم نەجمەدین لەقەب سابیری
يا مالك الملك، ستار العيوبعەرەبی
وەنەم ببەخشی سەبرەکەی ئەییووب
یا دڵەی غەمگین وە وێنەی یەعقووب
ئاخری ڕۆژێ بگەم بە مەتلووب
بە جاهـ ئایەی سبع المثانيعەرەبی
شادم کەی وێنەی پیری کەنعانی
سابیریناسناوی ئەدەبی نەخۆش بێ دەوا و تەبیب
سەبر کە ضرب الحبيب زبيبعەرەبی