هەوای وەیشوومەی مەیلەکەی دڵدار
لە کتێبی:
دیوانی سابیری
بەرهەمی:
سابیری (1881-1944)
1 خولەک
408 بینین
هەوای وەیشوومەی مەیلەکەی دڵدار
مەزرەعەی شادیم فەوتان وە یەکجار
قازانجم غەمە لەگەڵ سەرمایە
ئیتر چ باکم گەرما و سەرمایە
غەم لە جێی خۆشی نائیب مەنابە
عوشڕەتم مودام بادە و شەرابە
موتریبا لە چاو منت کەوتبێ
مەقامێ بڵێ کەس نەژنەوتبێ
غەم بێ حیساب و سەر و سامانە
سەداکەت شیفای دەرد و زامانە
بەدڵ تیمار کە زامی بیمارێ
لەو دەم و مەقام ڕەحمەت دەبارێ
زامار حەربەی موژەی دڵدارم
بۆیە وا مودام دیدە خوونبارم
مەگەر برینم وەختێ ساڕێش بێ
من و یار ئیتر نە کەس نە خێش بێ
ئەی بەختە ئاوێ بدە وە چاودا
ئەوا سووسکەی دڵ خنکا لە داودا
ڕەحمێ کە بە حاڵ گرانیی دەردم
بە ڕەنگی زەرد و هەناسەی زەردم
یا من بەدبەختم یا یار بێزارە
وا ڕەنگم خەزان ئەشکم بەهارە
شێواوم وێنەی قەیسی عامیری
ناوم نەجمەدین لەقەب سابیری
نەخۆشی باتین ئەگەر زاهیر بێ
مەسڵەحەت وایە بەندە سابیرناسناوی ئەدەبی بێ