کەسێ مانەندی پەروانە نەسووتابێ پەڕ و باڵی
لە کتێبی:
دیوانی سابیری
بەرهەمی:
سابیری (1881-1944)
1 خولەک
404 بینین
کەسێ مانەندی پەروانە نەسووتابێ پەڕ و باڵی
لە سۆزی جەرگی سووتاو و دڵی من کەی ئەبێ حاڵی
خودا تەوفیق بدا وەختێ مەلائیک دێتە تەختی دڵ
کە تۆ قەلبت لە شەڕ و وەسوەسەی شەیتان بکەی خاڵی
ئەگەر خالیس نەبێ نییەت بەتاڵە زیکر و جەمعییەت
بە ڕەنگ ئەییووب خاسییەت، بە باتین خوویی دەججاڵی
بە ڕەنگ و ڕوو برنجێکی لەسەر سینی بژێراوی
بە تام و بۆی دەروونت تۆ زەخیرەی کۆن و بن چاڵی
تەماشایێکی ڕیشت کە حەیا و شەرمێ لە ئیشت کە
بە ڕیش و عومر باپیری بە ئیش و فیکر منداڵی
ئیتر بەسە خەوی غەفڵەت سەرت خاڵی کە لەو عەقڵەت
هەتاکەی هەر لە دووی نەفس و هەوا ئەوباڵ و عەوداڵی
دڵم ڕەعد و هەناسەم بەرق و ئەشکم سەیلە، دنیا پڕ
کە تۆ تێناگەیەی بێ سڕ نییە، کوێر و کەڕ و لاڵی
لە ڕستی خێوەتی تۆ عالەمێ شل بوو تەئەممول کە
لە ڕەشماری قیامەت تابەکەی مەغرووری ڕەشماڵی؟
حەیا کە سابیریناسناوی ئەدەبی نەفست بناسە خواشوناسێکە
لە پەنجا تێپەڕی عومرت لە خۆت و خوا نەبووی حاڵی!