ئەی موسوڵمانان خوا بەم بێ شەریک و تاکییە
لە کتێبی:
دیوانی سابیری
بەرهەمی:
سابیری (1881-1944)
2 خولەک
604 بینین
ئەی موسوڵمانان خوا بەم بێ شەریک و تاکییە
ڕۆح و عەقڵ و دینی دا پێمان نیهاییەی چاکییە
تا ئیتاعەی پێ بکەین و تالیبی دونیا نەبین
کردەوەی ئێمە غرووری و غافڵی و بێ باکییە
داری دونیا میوەهات و سێبەری زەهراوییە
خواردن و لێ خەوتنی هەردوو لە بێ ئیدڕاکییە
فیکری سونعی خالیق و شوکرانی نیعمەتمان نیە
بۆیە دونیا حاسڵی بۆ ئێمە هەر غەمناکییە
خەوی غەفڵەت هەردوو چاوی عیبرەتی داپۆشییە
تێبگە شەو بۆ چی وا تاریک و ڕۆژ ڕووناکییە
خواردن و خەو بێ کەماڵ و بێ شعووری کردووین
زەحمەتە خوا چاکی کا ئەم عیللەتە زگماکییە
یاری خۆمان کردە دوژمن باوەکوژمان کردە یار
ناخەڵەف خۆمان کە بابی ئێمە ئادەم خاکییە
بۆ گوناهی گەندومێ ئادەم لە جەننەت دەرکرا
با وجوودی ئەو هەموو عیزز و ویقار و پاکییە
تۆ کە سەرتاپا وجوودت غەرقی زوڵم و بیدعەتە
موستەحەقی جەننەتی بەم پاکییە بەم چاکییە؟
عاقیبەت طوعا و كرهاعەرەبی گشتمان نابوود ئەکا
چونکە دونیا کردەوەی هەر کوشتن و سەفاکییە
تۆ کە بابت گەندومێکی خوارد و خوا لێی خۆش نەبوو
تۆ کەبابت خۆش ئەوێ سابیرناسناوی ئەدەبی خاسارەتناکییە