تا زیکری دەم و فیکری دڵت ناوی خودایە
لە کتێبی:
دیوانی سابیری
بەرهەمی:
سابیری (1881-1944)
1 خولەک
712 بینین
تا زیکری دەم و فیکری دڵت ناوی خودایە
سەرپاکی وجوودت لە بەڵا دوور و جودایە
دەروێش ئەگەر خزمەتی خاڵی لە ڕێیا بێ
سوڵتان لەبەر قاپییەکەی ڕووت و گەدایە
ئەو وەختە کە تۆ خەوفی خودا بێتە خەیاڵت
سوڵتان لەبەر چاوی دڵت ڕووت و گەدایە
دەستی تەمەعت خستووەتە گەردنی دونیا
ڕۆحت بە سەر و ماڵەوە قوربان و فیدایە
ئەی مەردی خودا دەستی تەمەع بەردە لە دونیا
بێ فائیدەیە باوەژنە مەیکە بە دایە
هەرکەس بە دەسی نەفسەوە داماو و زەبوونە
سەد شێخ و مەلا بێ، بە خودا دووری خودایە
لەوساوە سکەی لیرە ئەخوێنێتەوە چاوت
تاریکی تەریقی تەرەفی دینی خودایە
زەڕڕەی کەر و زڕەی دەرەم و زێڕ کەری کردی
نابیی لە مەلا ڕۆژی جەزا هەوڵ و سەدایە
کوا گەندومی چاکەی تۆ لە تۆماری عەمەلدا
سەد خانە برنجت لە قەباڵە و سەنەدایە
سابیرناسناوی ئەدەبی بە کەوای تازەوە تۆ چاکیری نەفسی
ئازا ئەوەیە حوڕڕە لە بەرگی شڕە دایە