وتی یارم لە جەنناتێ گوڵی ڕوخسارم ئەنوێنم
لە کتێبی:
دیوانی سابیری
بەرهەمی:
سابیری (1881-1944)
1 خولەک
770 بینین
وتی یارم لە جەنناتێ گوڵی ڕوخسارم ئەنوێنم
هەموو شەو تا سەحەر بۆیە وەکوو بولبول ئەناڵێنم
لە مەغریب ڕۆژ هەڵات ئەمشەو وتم ڕەنگە قیامەت بێ
موسوڵمانان مەکەن مەنعم نەما عەقڵ و دڵ و دینم
بە غەدداری دڵ و جەرگی بڕیم و پێم ئەڵێ مەگری
نەوا لێشاوی فرمێسکت بکا تەقبیلی داوێنم
لە ترسی سۆز و ئاهی ئاگرینم موشکیلە عەقڵم
بدا ڕێگا کە ناوی نازکت بۆ ناوی دەم بێنم
بە چاوی مەست و مەخموورت ئەوەندە مەست و مەسروورم
لە سایەی تۆوە وەک شێری ژیان زنجیر ئەپسێنم
بە ئومێدم لە حاڵی نەزعدا تۆ بێیە باڵینم
کە تۆ بخوێنی یاسینم دەکەن حوور و مەلەک شینم
بە زستانی فیراقت سابیریناسناوی ئەدەبی وەک پایزی زەردە
بە ڕوخساری بەهارت ئاهی گەرمم شوبهی هاوینم