شەوقی جەماڵی دولبەرە یا ماهی تابان ئەلغییاس
لە کتێبی:
دیوانی سابیری
بەرهەمی:
سابیری (1881-1944)
1 خولەک
908 بینین
شەوقی جەماڵی دولبەرە یا ماهی تابان ئەلغییاس
سووتانمی، سووتانمی، مانەندی کەتان ئەلغییاس
ئەڵبەت گوڵی گوڵزارەکەی ڕوخساری دیوە ئەو دڵەم
بۆیە دەکا بولبول سیفەت، گریان و ناڵان ئەلغییاس
من چیم بەسەر لوقمانەوە، بەم دەردی بێ دەرمانەوە
کە ئاگری نەکوژانەوە سووتام وەک خەرمان ئەلغییاس
دەردم موداوا ناکرێ زومرەی حەلیمان ئەلغیاس
فەللاحی دڵ وا ئاگری بەربوو لە خەرمان ئەلغییاس
زاماری شمشێری برۆی یارم ئەرەستوو شێت ئەکا
بیماری چاوی دەرکەوێ حەیرانە لوقمان ئەلغییاس
لوقمان و جالینووسی چی؟ ژەنگار و مالینووسی چی؟
بێ سوودە حەبب و شەربەت و مەعجوون و دەرمان ئەلغییاس
دەرمانی چاوی سابیریناسناوی ئەدەبی خاکی بەری پێی دولبەرە
چی بکەم کە نیمە قیمەتی، ئیللا دڵ و جان ئەلغییاس
سابیرناسناوی ئەدەبی ئەگەر چاوئێشەتە دەرمانی هەر سەبر و سکووت
وەرنە لە درمانی دڵت حەیرانە لوقمان ئەلغییاس