تووران و جنێودانی بە پیلان و سیاسەت
لە کتێبی:
دیوانی سابیری
بەرهەمی:
سابیری (1881-1944)
2 خولەک
420 بینین
تووران و جنێودانی بە پیلان و سیاسەت
پێم خۆشە کە بێگانە نەزانێ بە فەراسەت
سەد جار کە بە ڕووی ترش و قسەی سەردێ دەرم کەی
هەر دێمەوە وەک مێشێ بە هەنگوینی هەناسەت
هەرچەند کە لەبەر قاپییەکەت خوار و زەلیلم
نایدەم بە هەموو ڕوتبەیی شاهان و ڕیئاسەت
بڕوانە زەوی، سینە هەموو نەخلی ئومیدە
بێ حاسڵە ڕۆژێ نەبووە جێگە پیاسەت
ناکاو دەسی نایە سەر چاوم و یەعنی
من کێم و ئەزانم بە دەسی نەرم و هەناسەت
عومرێکە گلاراومە شەو تاکوو بەیانی
خاوم بزڕێنێ بە زڕەی تاس و هەیاسەت
دوا گیانمە ئاخر نەفەسە و تۆ بی و مەولات
دەم بێنە دەمم بیکەمە قوربانی هەناسەت
عومرێکە لیباسی غەمی دووریتە لەبەرما
گۆڕین و دڕینی نییە ئەم کۆنە کراسەت
سینەم بە سروشک ئاوڕشین کرد و نەهاتی
فەرموو کەڕەتێ، فێنکە بۆ جێگە پیاسەت
کەوتوومە لەبەر قاپییەکەی تۆ کەڕ و کاسم
جارێ گوزەرێ ناخەیە سەر ئەم کەڕ و کاسەت
خەڵکی گەنمی دوورییەوە جۆ چووە خەرمان
تۆ هەر لە پەرێز مایتەوە تف و لەو دەس و داسەت
هەر دێتەوە سوێ زامی دڵی سابیریناسناوی ئەدەبی قوربان
ئارام و سەبووری نییە سووتاوە لە تاسەت
حەسرەت لە دڵم ما کە شەوێ بێی و لە خەودا
سابیرناسناوی ئەدەبی بەخەبەر بێ لە زڕەی تاس و هەیاسەت